Падсанкцыйныя люксавыя аўто ўрастаюць у зямлю ў латвійскай вёсцы на мяжы з Беларуссю. Сярод іх ёсць нават «Майбах»
Прыняты месяц таму новы пакет санкцый канчаткова закрыў дарогу ў Беларусь машынам з аб'ёмам рухавіка большым за 1,9 літра. Паглядзіце, якія аўто захраслі на падворку прыгранічнай латвійскай вёскі.
Maybach, Gelentwagen і не толькі
У адным з тэлеграм-каналаў апублікавалі фота і відэа з падворку ў латвійскай вёсцы, якая знаходзіцца непадалёк ад Беларусі.
Аўтар відэа называе прэміяльныя аўто на транзітных нумарах «заброшанкамі».
На відэа можна ўбачыць некалькі легкавушак BMW, сярод якіх ёсць прэміяльны седан 7-серыі. Машыны прыпаркаваныя проста побач з цяпліцамі.
Таксама ёсць пазадарожнікі BMW X7, Mercedes-Benz GLE і Mercedes-Benz G500 (у народзе «гелік») і нават адзін Maybach GLS. Усяго на падворку можна налічыць каля 10 аўто, якія дагэтуль застаюцца ў Латвіі.
Адзначым, што гаспадарам гэтых аўто пашанцавала куды больш, чым уласнікам некалькіх дзясяткаў машын, якія латвійская мытня затрымала пры спробе выехаць на іх у Беларусь.
Паводле інфармацыі тэлеканала «Настоящее Время. Балтия», латвійская мытня затрымала каля 40 аўтамабіляў, бо мела падазрэнні, што канчатковы пункт прызначэння гэтых аўто не Беларусь, а Расія. Калі падчас дадатковай паглыбленай праверкі будзе даказана, што былі парушаны санкцыі, то гэтыя аўтамабілі могуць канфіскаваць.
Нагадаем, што Латвія заставалася апошняй краінай ЕС, што выпускала праз сваю мяжу аўтамабілі ў Беларусь, якія знаходзіліся пад санкцыямі ў Расіі. Першай экспарт такіх аўто ў Беларусь фактычна забараніла Польшча, а затым Літва.
Раней вялікую колькасць прэміяльных аўто, якія так і не трапілі ў Беларусь, блогеры заснялі на літоўскім вясковым падворку на мяжы з Беларуссю, а таксама на паркоўцы рынку «Гарунай» у Вільні.
Польшча прызнала Аляксандра Машэнскага непажаданай асобай27
Каментары
Што, паехалі б тыя расейцы на майбаху на фронт? Ім і на УАЗіках добра.
Ці мо павыдзіралі б адтуль электроніку на кампаненты ракет? У Кітаі танней і болей усяго купяць.
Дурнота і нічога болей.