Губазікаўцы паведамілі, што завялі новыя крымінальныя справы ў дачыненні да вядоўцаў тыкток-канала выдання «Люстэрка». Сілавікі прымусілі бацькоў блогерак запісаць відэа са словамі асуджэння і абурэння ў дачыненні дзяцей.
Канал сілавікоў паведамляе, што ў Беларусі ў бацькоў тых, хто супрацоўнічаў з «Люстэркам», «праведзены ператрусы, накладзены арышт на маёмасць».
«У бацькоў вялікія непрыемнасці», — «клапоцяцца» губазікаўцы.
«Люстэрка» пракаментавала сітуацыю.
«У такім бесчалавечным падыходзе, калі непажаданым улады помсцяць праз іх родных, няма нічога новага. Саша, Насця, Наташа, мы ганарымся быць з вамі ў адной камандзе. Кожнаму ў «Люстэрку» балюча з-за таго, што адбываецца з вашымі сем'ямі.
На жаль, гэты выпадак — толькі адзін з тысяч і тысяч тых, калі рэжым страхам і сілай спрабуе змагацца з тымі, хто асмеліўся мець альтэрнатыўны прапагандзе пункт гледжання на тое, што адбываецца ў Беларусі», — гаворыцца ў заяве партала «Люстэрка».
-
«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення
-
У Ляхавічах школьнік падчас футбольнага матча вывеў на табло нецэнзурнае слова. Як яму гэта ўдалося?
-
На папцы ў Святланы Ціханоўскай цяпер партрэт палітзняволенага журналіста Андрэя Пачобута ФОТА
Каментары