Маладога прадпрымальніка затрымалі за каментары ў тэлеграме. Ён даўно выдаліў іх, але гэта не дапамагло
Затрыманне адбылося тыдзень таму, але губазікаўцы паказалі Кірыла Чалядзінскага толькі зараз.
Затрыманага зваць Кірыл Чалядзінскі. Яму 35 гадоў, ён мінчук. Мужчына мае невялікі бізнэс — гандлюе гадзіннікамі. У Кірыла ёсць жонка і дзіця.
Кірыла затрымалі троху больш каля тыдня таму — ён быў анлайн у тэлеграме і «Укантакце» яшчэ 9 чэрвеня. Яго вінавацяць ва ўдзеле ў пратэстах і напісанні каментароў у тэлеграм-чатах. Вядома, што ён іх выдаліў, прычым даволі даўно, але, імаверна, яны захаваліся ў «архівах» ГУБАЗіКа.
Акаўнт Чалядзінскага ў тэлеграме зусім не абаронены — там стаіць ягонае фота, і ён прывязаны да ўласнага беларускага нумару тэлефона.
На жаль, калі вы каментавалі нешта з неабароненага тэлеграм-акаўнта або з уласнага акаўнта ў сацсетках, то не існуе спосабу, каб стоадсоткава абараніцца ад затрымання. Можна толькі зменшыць рызыку: напрыклад, выдаліць каментары ў тэлеграме і перастварыць акаўнт, пачысціць сацсеткі і лайкі ў іх ці зрабіць вашы новыя акаўнты ананімнымі.
Але звесткі застануцца ў архівах спецслужбаў і адмысловых ботах, а выдаліць іх адтуль немагчыма.
«Наша Нiва» — бастыён беларушчыны
ПАДТРЫМАЦЬАсудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары