У Беларусі зачыняюцца крамы польскага абутку. Прычыны — забарона на ўвоз тавараў
Крамы польскага абутку Wojas паведамілі, што распрадаюць калекцыі і спыняюць працу. На гэта звярнуў увагу Smartpress.
У паведамленні кампаніі сказана, што прычынай закрыцця крамаў стала рашэнне ўрада Беларусі пашырыць спіс тавараў, якія юрыдычныя асобы не могуць увозіць з Польшчы, Латвіі, Літвы, Чэхіі і Эстоніі і прадаваць на тэрыторыі нашай краіны.
Забарона на большасць тавараў дзейнічае з 3 чэрвеня. У спісе ў тым ліку паказаны абутак з падэшвай з гумы, пластмасы, натуральнай або кампазіцыйнай скуры і з верхам з натуральнай скуры з Польшчы.
Абмежаванне не тычыцца тавараў, якія фізічныя асобы вязуць у краіну для асабістага карыстання.
У Мінску крамы Wojas працуюць у гандлёвых цэнтрах «Замак», «Грын Сіці» і «Экспабел». Дату закрыцця пакуль не называюць.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары