Інжынеру «Мінаблаўтатранса» далі рэальны тэрмін за ДТЗ з маршруткай пад Смалявічамі, у якім загінулі 13 чалавек
Суд у Жодзіне прысудзіў галоўнага інжынера аднаго з філіялаў «Мінаблаўтатранса» да двух гадоў калоніі-пасялення па артыкуле аб службовай халатнасці, якая пацягнула па неасцярожнасці смерць чалавека (частка 2 артыкула 428 КК), піша прэс-служба Вярхоўнага суда.
Згодна з матэрыяламі справы, асуджаны неналежным спосабам праверыў тэхнічны стан самазвала — ён аказаўся няспраўным.
З-за гэтага машына на трасе Смалявічы — Смілавічы — Праўдзінскі — Шацк» выехала на сустрэчную паласу і сутыкнулася з маршруткай. Загінулі 13 чалавек.
Галоўным інжынерам ён працаваў з 12 мая 2021 года па 20 лютага 2023 года. У судзе мужчына сваю віну не прызнаў.
Акрамя пазбаўлення волі, яго абавязалі выплаціць МНС 203 рублі 74 капейкі і 80 рублёў дзяржпошліны. Займаць пасады, звязаныя з выкананнем арганізацыйна-распарадчых абавязкаў, асуджанаму забаранілі на 5 гадоў.
Нагадаем, што 20 лютага 2023 года на дарозе Смалявічы — Шацк самазвал МАЗ сутыкнуўся з маршрутным таксі — у выніку аварыі на месцы загінулі 11 чалавек, яшчэ двое памерлі пазней у бальніцы. Кіроўцу грузавога аўтамабіля далі сем гадоў калоніі.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі10
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары