За ДТЗ з маршруткай пад Смалявічамі будуць судзіць інжынера «Мінаблаўтатранса»
Пасля разгляду крымінальнай справы ў дачыненні да кіроўцы самазвала, асуджанага да 7 гадоў пазбаўлення волі, Генеральная пракуратура накіравала ў суд крымінальную справу ў дачыненні да галоўнага інжынера аднаго з філіялаў ААТ «Мінаблаўтатранс» — яму інкрымінавалі службовую халатнасць, якая пацягнула па неасцярожнасці смерць чалавека і іншыя цяжкія наступствы.
Згодна з матэрыяламі справы, галоўны інжынер працяглы час не рабіў належных мер і захадаў па кантролі за захоўваннем і тэхнічным станам грузавога аўтамабіля, тым самым дапусціў выхад на лінію 20 лютага 2023 года МАЗа з няспраўнасцю хадавой часткі.
Паводле пракуратуры, гэта прывяло да сутыкнення самазвала з пасажырскім аўтобусам. У ДТЗ загінулі 13 чалавек, 7 чалавек атрымалі цяжкія цялесныя пашкоджанні.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам12
Каментары