У Мазыры пачынаецца суд над жанчынай, якая даглядала старую маці
У судзе Мазырскага раёна 5 сакавіка пачынаецца разгляд крымінальнай справы палітзняволенай Ірыны Сапрыгінай. Ёй інкрымінуюць абразу прадстаўніка ўлады (арт. 369 КК) і абразу Лукашэнкі (ч. 1 арт. 368 КК). Справу будзе разглядаць суддзя Анатоль Стрэльчанка, піша «Вясна».
Жанчына была затрыманая за каментар у чаце ўкраінскага блогера 30 кастрычніка 2023 года. Да яе прыехалі людзі ў масках, правялі ператрус, а затым затрымалі па крымінальнай справе. Падчас следства ў справе з'явіўся новы артыкул — 369 КК (абраза прадстаўніка ўлады).
Вядома, што Ірына Сапрыгіна ў апошні год знаходзілася дома, бо даглядала сваю 83-гадовую маці — ліквідатарку ЧАЭС, што мае інваліднасць другой групы.
Тым не менш Ірыне не змянілі меру стрымання са змяшчэння пад варту пад паручальніцтва. Вядома таксама, што да маці Сапрыгінай прыходзіў міліцыянт і пытаўся пра яе стаўленне да Украіны і Ізраіля.
Падтрымайце палітзняволеную: СІЗА-3, 246003, Гомель, Кніжная, 1А. Ірына Іванаўна Сапрыгіна
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары