Расійскія войскі перарэзалі чыгуначную лінію ў цэнтры Аўдзееўкі — аналітык Bild
Расійскія войскі працягваюць прасоўвацца ў бітве за Аўдзееўку. Напярэдадні яны дасягнулі чыгуначнай лініі ўнутры гарадской рысы, у раёне вуліцы Чысцякова.
Такім чынам ім застаецца ўсяго 700 метраў да Індустрыяльнага праспекта — апошняй дарогі, якая звязвае горад з падкантрольнай Украіне тэрыторыяй. Эксперт Юліян Ропке піша са спасылкай на ўкраінскія крыніцы, што зараз УС РФ кантралююць 18% тэрыторыі Аўдзееўкі.
«Украінскі беспілотнік скідае снарад за снарадам на шасцярых надыходзячых расійскіх салдат, якія праходзяць 700 метраў праз Аўдзееўку. У выніку трое з іх (як мінімум) паранены. Але няма ніводнага ўкраінскага салдата, які мог бы супрацьстаяць ім, якія рухаюцца на захад», — каментуе эксперт адзін з відэазапісаў.
Паводле яго слоў, «падзенне Аўдзееўкі ўзмацняецца з кожным днём», а па меры ўзмацнення жорсткасці вулічных баёў суадносіны страт становіцца ўсё менш выгадным для УСУ.
Таму Ропкэ называе гэтую бітву «Бахмутам 2.0».
Цяпер чытаюць
Шрайбман з калегамі прапанавалі пакрокавы план дээскалацыі адносін Беларусі і ЕС39
Каментары