Расійскія войскі ўпершыню захапілі жылы раён Аўдзееўкі — аналітык Bild
Захоплена 10 працэнтаў горада.
У снежні УС РФ узялі пад кантроль прамзону на паўднёвым усходзе Аўдзееўкі, каля Данецкай кальцавой аўтадарогі. Як паведамляе эксперт Bild па аналізе адкрытых даных Юльян Ропке, зараз яны ўпершыню захапілі і жылы раён горада. Ён знаходзіцца на захад ад прамзоны, там размешчаны прыватныя дамы.
Расіяне спрабуюць наступаць адтуль на поўнач у напрамку раёна «Хімік» са шматкватэрнымі дамамі. Пакуль што УСУ атрымоўваецца адбіваць гэтыя напады. Ропке ацэньвае тэрыторыю, захопленую расіянамі, у 10% ад агульнай плошчы горада.
Аналітык адзначае, што ў раёне Данецкай фільтравальнай станцыі на ўсход ад Аўдзееўкі ўтварыўся выступ, які па-ранейшаму кантралюе УСУ. Для расейцаў гэта «бяльмо на воку», але яны не могуць яго ўзяць, бо ён добра прыстраляны. Украінскія войскі знішчаюць там любую расійскую тэхніку, якая спрабуе атакаваць.
Ропке нагадвае, што першапачаткова план Масквы быў у тым, каб акружыць Аўдзееўку з захаду, наступаючы на Стэпавое і Паўночнае.
Пакуль што гэтыя спробы церпяць крах, УС РФ нясуць цяжкія страты. Нягледзячы на частковае прасоўванне праціўніка, УСУ знішчае ў гэтай бітве сотні адзінак варожай тэхнікі і тысячы салдат.
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць31
Каментары