Былому палітвязню Аляксею Раманаву, які адбыў 15 сутак, суд даў чарговыя
Як стала вядома «Свабодзе», за першыя 15 дзён Раманаў тройчы трапляў у шпіталь.
Былы палітзняволены Аляксей Раманаў 8 лютага на судзе атрымаў чарговыя 15 сутак арышту.
Яго затрымалі падчас масавага «хапуну» ў Беларусі 23 студзеня. Зранку яго дапытвалі ў КДБ, вечарам перавялі ў ІЧУ. Суд пакараў яго за «распаўсюджванне экстрэмісцкіх матэрыялаў».
Аляксей мае інваліднасць праз анкалагічную хваробу. У яго шэраг цяжкіх хранічных захворванняў, ён прымае шмат лекаў і мусіць прытрымлівацца адмысловай дыеты.
За першыя 15 дзён ён тройчы трапляў у шпіталь, у яго былі моцныя прыступы. Але пасля шпіталю яго вярталі назад у ізалятар.
Каментары