Потым яны паступова выцеснілі неандэртальцаў.
Міжнародная даследчая група выявіла ў адной з пячор у Цюрынгіі на ўсходзе Нямеччыны чалавечыя закамянеласці ўзростам каля 45 000 гадоў. Пры бліжэйшым разглядзе гэтыя косткі аказаліся астанкамі першых у Еўропе Homo sapiens, піша Bild.
Некалькі костак, з якіх удалося вылучыць ДНК, знайшлі ў пячоры Ільзенхёле. Акрамя гэтага, даследнікі таксама выявілі каменныя прылады ў форме лёзаў, некаторыя з іх былі апрацаваныя з абодвух бакоў.
Прыкладна 45 тысяч гадоў таму, у той перыяд, калі жылі знойдзеныя людзі, Homo sapiens якраз выцяснялі неандэртальцаў, якія засялялі Еўропу.
Паводле меркавання даследнікаў, іх адкрыццё даказвае, што Homo sapiens дасягнуў паўночна-заходняй Еўропы за некалькі тысяч гадоў да вымірання неандэртальцаў.
«Гэтае месца дало сведчанні першай экспансіі Homo sapiens у паўночныя шыроты Еўропы. Цяпер ужо дакладна вядома, што каменныя прылады, якія, як лічылася, былі выраблены неандэртальцамі, насамрэч выраблены сучаснымі людзьмі. Гэта фундаментальна мяняе нашы ўяўленні аб пераходным перыядзе», — сказаў былы дырэктар Інстытута эвалюцыйнай антрапалогіі Макса Планка ў Лейпцыгу Жан-Жак Юблін.
Падчас раскопак даследнікі натыкнуліся на тысячы дробных фрагментаў костак. Яны таксама выявілі, што старажытныя людзі выкарыстоўвалі пячору толькі на працягу кароткіх перыядаў часу і елі мяса аленяў, шарсцістых насарогаў і коней.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары