Navukoŭcy narešcie vyśvietlili, dzie ŭ Jeŭropie žyli pieršyja Homo sapiens
Potym jany pastupova vycieśnili nieandertalcaŭ.
Mižnarodnaja daśledčaja hrupa vyjaviła ŭ adnoj ź piačor u Ciurynhii na ŭschodzie Niamieččyny čałaviečyja zakamianiełaści ŭzrostam kala 45 000 hadoŭ. Pry bližejšym razhladzie hetyja kostki akazalisia astankami pieršych u Jeŭropie Homo sapiens, piša Bild.
Niekalki kostak, ź jakich udałosia vyłučyć DNK, znajšli ŭ piačory Ilzienchiole. Akramia hetaha, daśledniki taksama vyjavili kamiennyja pryłady ŭ formie lozaŭ, niekatoryja ź ich byli apracavanyja z abodvuch bakoŭ.
Prykładna 45 tysiač hadoŭ tamu, u toj pieryjad, kali žyli znojdzienyja ludzi, Homo sapiens jakraz vyciaśniali nieandertalcaŭ, jakija zasialali Jeŭropu.
Pavodle mierkavańnia daślednikaŭ, ich adkryćcio dakazvaje, što Homo sapiens dasiahnuŭ paŭnočna-zachodniaj Jeŭropy za niekalki tysiač hadoŭ da vymirańnia nieandertalcaŭ.
«Hetaje miesca dało śviedčańni pieršaj ekspansii Homo sapiens u paŭnočnyja šyroty Jeŭropy. Ciapier užo dakładna viadoma, što kamiennyja pryłady, jakija, jak ličyłasia, byli vyrableny nieandertalcami, nasamreč vyrableny sučasnymi ludźmi. Heta fundamientalna mianiaje našy ŭjaŭleńni ab pierachodnym pieryjadzie», — skazaŭ były dyrektar Instytuta evalucyjnaj antrapałohii Maksa Płanka ŭ Lejpcyhu Žan-Žak Jublin.
Padčas raskopak daśledniki natyknulisia na tysiačy drobnych frahmientaŭ kostak. Jany taksama vyjavili, što staražytnyja ludzi vykarystoŭvali piačoru tolki na praciahu karotkich pieryjadaŭ času i jeli miasa aleniaŭ, šarścistych nasarohaŭ i koniej.
Ciapier čytajuć
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju2020
Kamientary