Ва Украіне распаўсюджвалася супярэчлівая інфармацыя пра адстаўку Залужнага. Пакуль, здаецца, ён застаецца
Ва Украіне 29 студзеня сталі хадзіць настойлівыя чуткі пра нібыта адстаўку галоўнакамандуючага УСУ Валерыя Залужнага. Ананімныя тэлеграм-каналы, асобныя палітыкі і нават некаторыя СМІ пачалі пісаць пра гэта нібыта нават як пра здзейснены факт, але пацвярджэння гэтаму пакуль няма.
Крыніцы аўтарытэтнага выдання «Украінская праўда» ў Радзе нацыянальнай бяспекі і абароны Украіны, СБУ і Мінабароны сведчаць, што ўказу Зяленскага на гэты конт яшчэ няма, але пытанне нібыта сапраўды разглядаецца:
«Яго выклікалі і прапанавалі іншую пасаду, у прыватнасці пасаду пасла. Ён адмовіўся. Указа няма. Але ён ужо збірае рэчы», — расказаў адзін з суразмоўцаў «Украінскай праўды».
Таксама пра нібыта адстаўку Залужнага са спасылкай на свае крыніцы, «блізкія да вайскова-палітычнага кіраўніцтва краіны» паведамлялі выданні «Цензор.нет» і «Інтэрфакс-Украіна».
З адмысловым каментаром на гэты конт спачатку выступіла Мінабароны Украіны:
«Паважаныя журналісты, адразу адказваем усім: не, гэта няпраўда».
Неўзабаве і прэс-сакратар прэзідэнта Украіны Сяргей Нікіфараў ў адказ на пытанне журналістаў «Украінскай праўды» адказаў на гэты конт:
«Дакладна не».
Іншых падрабязнасцяў прадстаўнік Уладзіміра Зяленскага не падаў. А сам прэзідэнт Украіны падчас свайго традыцыйнага вячэрняга звароту нічога пра гэта ўвогуле не згадваў.
ЗША папярэджвалі, што Расія высадзіць войскі ў Гастомлі, каб захапіць Кіеў. Але Зяленскі не паверыў
Залужны павіншаваў з 2024 годам ролікам з вайскоўцамі, пад якім падпісаліся б 97% працэнтаў беларусаў
«Усё адно мы ўсе памром». Пазаштатная дарадца Залужнага сказала глупства, ён адрэагаваў па-вайсковаму радыкальна
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары