«Усё адно мы ўсе памром». Пазаштатная дарадца Залужнага сказала глупства, ён адрэагаваў па-вайсковаму радыкальна
У публічнай прасторы Украіны з-за дзіўных выказванняў пазаштатнай дарадцы галоўнакамандуючага УСУ Валерыя Залужнага ўзнік скандал, які мусіў хутка і рашуча вырашаць сам яе шэф.
Пазаштатная радніца Валерыя Залужнага Ала Мартынюк, спрабуючы падчас інтэрв'ю пераканаць насельніцтва, што не трэба баяцца маштабнай мабілізацыі, зрабіла гэта вельмі нязграбна і выклікала абурэнне. Яна сказала сярод іншага:
«Я цяпер бачу, як камусьці позву далі, то адразу мамы пішуць, яны ўжо ў істэрыцы і ледзь не адразу развітваюцца з жыццём сваіх сынкоў. Але я вам скажу, што гэта не правільна, не патрэбна ўся гэтая істэрыя, трэба верыць, што ваш сын герой і найлепшы цвет нацыі. Усё адно мы ўсе памром. Пайсці з гэтага жыцця годна — гэта значна лепш, чым ісці па вуліцы і на цябе цагліна ўпадзе або машына пераедзе».
Узніклую ў выніку хвалю абурэння мусіў тушыць сам Залужны, і зрабіў гэта па-вайсковаму радыкальна. Ад яго імя з'явілася кароткае паведамленне:
«Для прадухілення маніпуляцый у мас-медыя хачу адзначыць:
Пазаштатныя памочнікі не мелі паўнамоцтваў публічна каментаваць якія-небудзь пытанні ад імя галоўнакамандуючага Узброеных сіл Украіны, а сказанае імі з'яўляецца выключна іх уласным меркаваннем».
Таксама Залужны паведаміў, што з 28 снежня 2023 года ў яго няма больш ніякіх памочнікаў-кансультантаў на грамадскіх пачатках.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары