«Usio adno my ŭsie pamrom». Pazaštatnaja daradca Załužnaha skazała hłupstva, jon adreahavaŭ pa-vajskovamu radykalna
U publičnaj prastory Ukrainy z-za dziŭnych vykazvańniaŭ pazaštatnaj daradcy hałoŭnakamandujučaha USU Valeryja Załužnaha ŭźnik skandał, jaki musiŭ chutka i rašuča vyrašać sam jaje šef.
Pazaštatnaja radnica Valeryja Załužnaha Ała Martyniuk, sprabujučy padčas intervju pierakanać nasielnictva, što nie treba bajacca maštabnaj mabilizacyi, zrabiła heta vielmi niazhrabna i vyklikała abureńnie. Jana skazała siarod inšaha:
«Ja ciapier baču, jak kamuści pozvu dali, to adrazu mamy pišuć, jany ŭžo ŭ isterycy i ledź nie adrazu raźvitvajucca z žyćciom svaich synkoŭ. Ale ja vam skažu, što heta nie pravilna, nie patrebna ŭsia hetaja isteryja, treba vieryć, što vaš syn hieroj i najlepšy ćviet nacyi. Usio adno my ŭsie pamrom. Pajści z hetaha žyćcia hodna — heta značna lepš, čym iści pa vulicy i na ciabie cahlina ŭpadzie abo mašyna pierajedzie».
Uźnikłuju ŭ vyniku chvalu abureńnia musiŭ tušyć sam Załužny, i zrabiŭ heta pa-vajskovamu radykalna. Ad jaho imia źjaviłasia karotkaje paviedamleńnie:
«Dla praduchileńnia manipulacyj u mas-miedyja chaču adznačyć:
Pazaštatnyja pamočniki nie mieli paŭnamoctvaŭ publična kamientavać jakija-niebudź pytańni ad imia hałoŭnakamandujučaha Uzbrojenych sił Ukrainy, a skazanaje imi źjaŭlajecca vyklučna ich ułasnym mierkavańniem».
Taksama Załužny paviedamiŭ, što z 28 śniežnia 2023 hoda ŭ jaho niama bolš nijakich pamočnikaŭ-kansultantaŭ na hramadskich pačatkach.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary