Zialenski raskazaŭ pra paŭmiljonnuju mabilizacyju i adnosiny z Załužnym
Prezident Ukrainy Uładzimir Zialenski siońnia pravodzić pres-kanfierencyju pa vynikach hoda. Padčas jaje jon siarod inšaha kranuŭsia takich važnych pytańniaŭ, jak pierśpiektyvy dalejšaj mabilizacyi ŭkrainskich vajennaabaviazanych i svaje adnosiny z hałoŭnakamandujučym USU Valeryjem Załužnym.
Pavodle słoŭ Zialenskaha, vajskoŭcy na adnoj z apošnich pasiadžeńniaŭ staŭki viarchoŭnaha hałoŭnakamandavańnia prasili ŭ jaho mabilizavać u vojska 450-500 tysiač čałaviek, ale adnosna hetaha pakul niama kankretyki:
«Heta pytańnie našych vajskoŭcaŭ, hałoŭnakamandujučaha i Hienštaba. Jany źviarnulisia na ŭzroŭni staŭki adnosna mabilizacyi. Pytańnie vielmi adčuvalnaje, ja liču. Jany źviarnulisia adnosna abarony našaj dziaržavy, patencyjnych kontrnastupalnych dziejańniaŭ i adnosna deficytu. I jany prapanavali mabilizavać dadatkovych 450-500 tysiač čałaviek».
Jak śćviardžaje Zialenski, vajskoŭcy pačali pracavać nad hetym płanam, ale jon «pakul nie ŭbačyŭ tam demabilizacyi», choć ličyć jaje pytańniem «numar adzin». Maŭlaŭ, adnačasova z tym, jak pryzyvać novych ludziej, treba vyrašać i pytańnie, kab adpuskać častku tych, chto ŭžo daŭno znachodzicca na froncie, i prytym nie stracić u jakaści.
«My nie možam stracić stojkaści, patencyjału, ale nam patrebnaja spraviadlivaść. I pa finansach — mabilizacyja ŭ takim farmacie budzie kaštavać Ukrainie dadatkova 500 młrd hryŭniaŭ. Tamu ja jak prezident Ukrainy, jak čałaviek, jaki šmat času tracić na toje, kab znajści finansavuju padtrymku, chacieŭ by viedać ad ministra finansaŭ, adkul hrošy».
Što da nibyta vialikich roznahałośsiaŭ z Valeryjem Załužnym, pra jakija apošnim časam šmat havorać i pišuć, to Zialenski adznačyŭ, što adnosiny z Załužnym u jaho «pracoŭnyja» i jon płanuje «ź im pracavać»:
«Pracoŭnyja ŭ mianie adnosiny z Załužnym. Jon pavinien adkazvać za vyniki na poli boju jak hałoŭnakamandujučy, razam z Hienštabam. Jość šmat tam pytańniaŭ…
Nastupleńnie — heta składanaje pytańnie: niešta było, čahości nie było, čahości nie chapaje… Nam patrebnyja mocnyja kroki i vyniki… kožny dzień na kožnaj pasadzie.
Płanuju pracavać, čakaju ad ich rašeńniaŭ (pa mabilizacyi, dapamohi na froncie, vielmi kankretnych rečaŭ na poli boju). Stratehija — zrazumiełaja, chaču bačyć detali. Liču, što heta — spraviadliva».
Čytajcie taksama:
Kamandujučy Suchaputnymi vojskami Ukrainy nazvaŭ asnoŭnyja napramki, na jakich nastupajuć rasiejcy
Ci chopić Ukrainie zbroi ŭ 2024 hodzie?
Kamandzir «Azova»: Hetaja vajna nadoŭha, zaklikaju ŭsich zrabić śviadomy vybar i ŭziać u ruki zbroju
Zialenski ci Załužny — kamu ŭkraincy daviarajuć bolš? Vyniki sacapytańnia
-
Ukrainski F-16 źbiŭ rasijski Su-35 dziakujučy dapamozie šviedskaha samalota
-
Čały praanalizavaŭ detali ŭkrainskaj apieracyi «Pavucińnie» i pryjšoŭ da niečakanaj vysnovy
-
Rasija zajaviła ab uvarvańni ŭ Dnieprapiatroŭskuju vobłaść. Ekśpierty paćvierdzili bai ŭ niekalkich sotniach mietraŭ ad miažy rehijona
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi46
Kamientary