Міністр адукацыі Андрэй Іванец на сустрэчы з педагогамі ў Гомелі расказаў, што запісаць дзіця ў садок у наступным годзе стане прасцей.
Цяпер пераводзяць у электронную форму дзве адміністрацыйныя працэдуры — пастаноўку на ўлік і прыём у дзіцячыя садкі. Іванец мяркуе, што ў 2025 годзе гэтыя дзве працэдуры будуць цалкам пераведзеныя ў электронны фармат і бацькам не трэба будзе прыходзіць у раённыя аддзелы адукацыі, піша БелТА.
Іванец дадаў, што інтэрактыўная карта свабодных месцаў у дзіцячых садках павысіла ўзровень дасведчанасці бацькоў. Да ўвядзення гэтай карты, па яго словах, у Міністэрства адукацыі паступала даволі вялікая колькасць зваротаў ад бацькоў наконт наяўнасці свабодных месцаў у дзіцячых садках. Таксама бацькі цікавіліся, як менавіта паставіць дзіця на ўлік. Міністр адукацыі кажа, што сёння такіх скаргаў няма.
Інтэрактыўная карта абнаўляецца штомесяц. У ёй ёсць інфармацыя пра колькасць свабодных месцаў з указаннем узроставых груп.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам30
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары