Грамадства

«Сцерліся гумавыя наканечнікі мыліц, а замяніць няма чым». Уладзімір Гундар не можа выходзіць на прагулкі

У магілёўскай турме палітвязень Уладзімір Гундар сутыкнуўся з рэдкай для арыштантаў праблемай.

Уладзімір Гундар

Ужо месяц як краязнаўца з Баранавічаў Уладзімір Гундар адбывае пакаранне ў крытай турме № 4 у Магілёве, куды ён трапіў з бабруйскай калоніі па рашэнні суду ў Бабруйску, піша «Радыё Свабода».

Як паведаміла Свабодзе дасведчаная крыніца, трымаюць інваліда Гундара, у якога няма адной нагі, у адзіночнай камеры. Паводле суразмоўца, у пачатку свайго знаходжання ў магілёўскай турме Уладзіміра Гундара выводзілі на прагулкі на мыліцах, але потым гэта стала немагчыма.

«Аказалася, што ў яго сцерліся гумавыя наканечнікі мыліц, а замяніць іх там няма чым. Такая сітуацыя не прадугледжана. Уладзімер звярнуўся да сваякоў, тыя сабралі рэчавую пасылку, але ці дайшла яна, невядома.

Ужо тры тыдні ад Гундара няма лістоў, адзіны званок быў у лістападзе. Сваякі толькі ведаюць, што пасылка была падпісаная і спадзяюцца, што ён урэшце яе атрымае. Бо да таго прагулкі немагчымыя», — сказала дасведчаная крыніца.

Ад крыніцы вядома, што на пагаршэнне стану здароўя Уладзімір Гундар не скардзіўся і падчас апошняга з ім званку размаўляў бадзёра.

Гундару 63 гады. Ён інвалід 2-й групы, у палітвязня няма адной нагі вышэй за калена. Падчас знаходжання ў СІЗА Уладзімір Гундар часткова страціў слых на адно вуха, пазней слых аднавіўся, але вязню дагэтуль трэба прымаць спецыяльныя лекі.

У 2022 годзе Уладзіміра Гундара, які ўжо быў асуджаны за напад на міліцыянта, асудзілі на 18 гадоў зняволення паводле крымінальнай справы аб тэрарызме па так званай «справе Аўтуховіча». У канцы студзеня Ленінскі суд Горадні асудзіў Гундара за абразу супрацоўніцы пракуратуры яшчэ на два з паловай гады пазбаўлення волі. Шляхам частковага складання пакаранняў канчаткова Гундара асудзілі на 20 гадоў калоніі ва ўмовах узмоцненага рэжыму.

Сваёй віны Уладзімір Гундар не прызнаў, беларускія праваабаронцы назвалі яго палітычным вязнем.

Каментары

Цяпер чытаюць

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

Усе навіны →
Усе навіны

Святлана Алексіевіч расказала, якую кнігу выпусціць наступнай. Яна не пра каханне, як планавалася раней23

Лукашэнка расказаў, што карова павінна стаяць у палацы і кожнаму неабходна «хоць па дзве баразёнкі» бульбы пасадзіць20

У Кіеве ўжо каля 100 пацярпелых падчас начнога ўдару1

Ізраіль забіў і новага кіраўніка Генштаба арміі Ірана. Ён займаў пасаду пару дзён7

У Мінску знікла пенсіянерка. Аказалася, што яна па просьбе «следчых» стала кур’ерам махляроў 

Якія банкі гатовы ўзяць у вас не самыя ідэальныя купюры

Што цяпер з архівам КДБ аб рэпрэсіях у БССР, які змаглі здабыць былыя сілавікі? Калі яго апублічаць?51

Беларускі піяніст узяў адразу тры прызы на конкурсе ў Валенсіі

«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі32

больш чытаных навін
больш лайканых навін

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

Галоўнае
Усе навіны →

Заўвага:

 

 

 

 

Закрыць Паведаміць