У Мінску 17-гадовы падлетак замовіў «мініраванне» ад імя знаёмага
У кастрычніку хлопец вырашыў адпомсціць былому прыяцелю сваёй дзяўчыны, які ніяк не хацеў пакінуць яе ў спакоі. Пазбавіцца ад суперніка малады чалавек вырашыў з дапамогай сватынга — ад імя надакучлівага хлопца паведаміць аб ілжывым мініраванні шэрагу дзяржаўных устаноў, паведамляе СК.
Падлетак знайшоў у тэлеграме тэматычную суполку, удзельнікі якой гатовыя за грашовую ўзнагароду правесці такую «акцыю».
Ён перавёў на электронны кашалёк неабходную суму, паведаміў анкетныя даныя і нумар тэлефона знаёмага.
Раніцай наступнага дня ён атрымаў справаздачу аб выкананай працы. Толькі тады юнак зразумеў, што здзейсніў злачынства.
Хлопец — студэнт 1 курса, раней прыцягваўся да крымінальнай адказнасці за хуліганства.
Заведзена крымінальная справа па ч. 2 арт. 340 (загадзя ілжывае паведамленне аб небяспецы, здзейсненае групай асоб па папярэдняй змове). Санкцыя артыкула прадугледжвае да пяці гадоў калоніі.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары