Прэзідэнт Казахстана звярнуўся да Пуціна і расейскай дэлегацыі на казахскай мове. Зірніце на твары расіян
Прэзідэнт Казахстана Касым-Жамарт Такаеў, падводзячы вынікі візіту Пуціна ў Астану ў прысутнасці абедзвюх дэлегацый і прэсы, звярнуўся да публікі на казахскай мове. Твары Пуціна, Лаўрова і Пяскова ў гэты момант трэба бачыць.
«Варта зірнуць тут на відэа, каб зразумець, наколькі знянацку заспела гэтая «казахская прэлюдыя» Пуціна і членаў яго дэлегацыі, якія кінуліся шукаць на стале і за сваёй спінай відавочна невыпадкова раскладзеныя там навушнікі… Такаеў вымусіў іх слухаць спачатку сваю прамову ў перакладзе.
Гэта быў жэст, які цяжка пераацаніць. Казахстанскі прэзідэнт, які ініцыяваў стварэнне ў СНД арганізацыі па вывучэнні расейскай мовы, што з захапленнем было сустрэта ў Маскве, тут жа даў зразумець, што Казахстан мае намер праводзіць самастойную моўную палітыку, згодна з якой расейскай мове — пашана і павага, але галоўным застаецца развіццё нацыянальнай мовы казахаў», — адкаментаваў жэст Такаева спецыяліст па цэнтральнаазіяцкім рэгіёне Аркадзь Дубноў.
-
У Расіі мастачку асудзілі на 20 гадоў за падрыхтоўку выбухоўкі на замову ўкраінскіх спецслужбаў
-
Мядзінскі хоча адправіць генсаку НАТА падручнік гісторыі, каб даказаць, што «Украіны ў XII стагоддзі не было». Той адказаў рэзка
-
У Эстоніі супрацоўніцу «Расіі сегодня» асудзілі на шэсць гадоў за дзяржздраду
Каментары