Дзяржсакратар Саюзнай дзяржавы Мезенцаў перадаў каледжам «ЛНР» 100 беларускіх ноўтбукаў
Гэта было зроблена ў выніку дамоўленасцяў Лукашэнкі і Пуціна.
Дзяржсакратар Саюзнай дзяржавы Расіі і Беларусі Дзмітрый Мезенцаў перадаў 16 сельскагаспадарчым каледжам у ЛНР 100 ноўтбукаў беларускай вытворчасці, піша ТАСС.
«Мы прывезлі 100 персанальных камп'ютараў-ноўтбукаў вытворчасці Мінскага завода «Гарызонт», высакаякасных, і самае галоўнае, што гэта адзін з прыкладаў імпартазамяшчэння і сумеснага руху наперад нават у самых высокатэхналагічных абласцях», — сказаў ён.
Ён дадаў, што дэлегацыя Пастаяннага камітэта Саюзнай дзяржавы перадала гуманітарную дапамогу ўстановам адукацыі і дзецям «ЛНР» у мэтах выканання рашэнняў найвышэйшага Дзяржсавета Саюзнай дзяржавы — Пуціна і Лукашэнкі і саюзнага Саўміна. Такая падтрымка вызначана Пуціным і Лукашэнкам.
Акрамя ноўтбукаў Мезенцаў перадаў студэнтам каледжа кнігі пра злачынствы нацысцкага рэжыму ў часы вайны.
Цяпер чытаюць
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны18
Каментары