Паралімпіец Аляксей Талай, фонд якога займаецца прывозам дзяцей у Беларусь, паведаміў sb.by, што ў Беларусь увосень прывязуць яшчэ некалькі груп украінскіх дзяцей з тэрыторый, акупаваных Расіяй.
«Разам з камандай майго дабрачыннага фонду і нашымі дзяржаўнымі структурамі мы поўныя рашучасці і далей працягваць праект адпачынку дзяцей Данбаса ў Беларусі», — заявіў Талай.
Прытым гаворка, можа, цяпер будзе ісці не толькі пра дзяцей з «ЛНР» і «ДНР», але таксама і з Запарожскай ды Херсонскай абласцей.
Раней Міжнародны крымінальны суд выдаў ордэр на арышт прэзідэнта Расіі Уладзіміра Пуціна і ўпаўнаважанай па правах дзіцяці Марыі Львовай-Бяловай з-за практыкі дэпартацыі ўкраінскіх дзяцей з акупаваных тэрыторый. Таксама ставіцца пытанне аб падобных мерах адносна Лукашэнкі і ягоных памагатых.
На гэтым тыдні выданне The Wall Street Journal, дарэчы, апублікавала матэрыял пра тое, што ў лагерах адпачынку на тэрыторыі Беларусі ўкраінскія дзеці сустракаюцца з прадстаўнікамі Беларускай праваслаўнай царквы, вывучаюць асновы абыходжання са зброяй і глядзяць шоу, якія праслаўляюць Уладзіміра Пуціна. Сярод іншага выданне спасылаецца і на дакументы, перададзеныя Народным антыкрызісным упраўленнем пад кіраўніцтвам Паўла Латушкі.
Мы не ўдзельнічаем у вывазе дзяцей за межы Украіны — рэгіянальны офіс ЮНІСЕФ
Беларуская дэпутатка: Дзяцей з Украіны вывозяць пры садзейнічанні ААН і Чырвонага Крыжа
Кіраўнік Беларускага Чырвонага Крыжа, які засвяціўся з Z-сімволікай, расказаў, што робіць на Данбасе
Невядомы расіянін перадаў закінутую сядзібу вялікіх князёў Раманавых пад Барысавам фонду Талая
Аляксей Талай прызнаўся, што вываз украінскіх дзяцей у Беларусь ухваліў асабіста Лукашэнка
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары