Сакратар Рады нацыянальнай бяспекі і абароны Украіны Аляксей Данілаў таксама выказаўся наконт будучых падзей у Крыме. Ён падкрэсліў, што іншага выбару, акрамя як дэакупацыі паўвострава, быць не можа.
Сакратар РНБА Аляксей Данілаў заявіў, што Украіна будзе вяртаць Крым ваенным шляхам, бо іншых варыянтаў пакуль няма, піша УНІАН.
«Больш за тое, мы яго будзем вызваляць. Хутчэй за ўсё гэта будзе адбывацца ваенным шляхам, калі краіна-агрэсар да гэтага часу не зразумее, што ёй трэба сысці з нашай тэрыторыі. Іншага варыянту ў нас няма», — сказаў сакратар РНБА на мерапрыемстве, якое папярэднічае Крымскай платформе.
Данілаў дадаў, што без дэакупацыі Крыма вайну нельга лічыць завершанай. А гэта значыць, што наступныя пакаленні не змогуць спакойна жыць і вайна пяройдзе нашчадкам.
«Толькі выгнаўшы Расію з тэрыторыі Крыма, пасунуўшы яе ў Азоўскім моры, мы будзем разумець, што наша дзяржава будзе мець пэўныя гарантыі бяспекі на пэўны прамежак часу», — сказаў ён.
Ён падкрэсліў, што іншага выбару, акрамя як дэакупацыі Крыма, быць не можа.
«Ці будзе цяжка? Так, будзе цяжка. Ці будуць нас падкілімна ўгаворваць? Хутчэй за ўсё мэсэджы будуць адпраўляць», — сказаў сакратар РНБА.
З ягоных слоў, Украіна атрымлівае вялікую колькасць паведамленняў з нагоды таго, што ёй нібыта не варта вызваляць Крым, але яны ўсе ананімныя.
«А як толькі адзін чалавек, клерк з NATO, адкрыў твар, ён адразу атрымаў ад усёй сусветнай супольнасці адказ. Таму, нам сваё рабіць, вызваляць тэрыторыі, вяртацца да Чорнага і Азоўскага мораў. Калі мы не будзем мець у Крыме свайго вайсковага флоту, мы будзем знаходзіцца ў вельмі складаным стане з пункту гледжання бяспекі ўвесь час», — дадаў Данілаў.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае7
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары