Sakratar RNBA: Krym budziem vyzvalać, chutčej za ŭsio, vajennym šlacham
Sakratar Rady nacyjanalnaj biaśpieki i abarony Ukrainy Alaksiej Daniłaŭ taksama vykazaŭsia nakont budučych padziej u Krymie. Jon padkreśliŭ, što inšaha vybaru, akramia jak deakupacyi paŭvostrava, być nie moža.
Sakratar RNBA Alaksiej Daniłaŭ zajaviŭ, što Ukraina budzie viartać Krym vajennym šlacham, bo inšych varyjantaŭ pakul niama, piša UNIAN.
«Bolš za toje, my jaho budziem vyzvalać. Chutčej za ŭsio heta budzie adbyvacca vajennym šlacham, kali kraina-ahresar da hetaha času nie zrazumieje, što joj treba syści z našaj terytoryi. Inšaha varyjantu ŭ nas niama», — skazaŭ sakratar RNBA na mierapryjemstvie, jakoje papiaredničaje Krymskaj płatformie.
Daniłaŭ dadaŭ, što biez deakupacyi Kryma vajnu nielha ličyć zavieršanaj. A heta značyć, što nastupnyja pakaleńni nie zmohuć spakojna žyć i vajna piarojdzie naščadkam.
«Tolki vyhnaŭšy Rasiju z terytoryi Kryma, pasunuŭšy jaje ŭ Azoŭskim mory, my budziem razumieć, što naša dziaržava budzie mieć peŭnyja harantyi biaśpieki na peŭny pramiežak času», — skazaŭ jon.
Jon padkreśliŭ, što inšaha vybaru, akramia jak deakupacyi Kryma, być nie moža.
«Ci budzie ciažka? Tak, budzie ciažka. Ci buduć nas padkilimna ŭhavorvać? Chutčej za ŭsio mesedžy buduć adpraŭlać», — skazaŭ sakratar RNBA.
Ź jahonych słoŭ, Ukraina atrymlivaje vialikuju kolkaść paviedamleńniaŭ z nahody taho, što joj nibyta nie varta vyzvalać Krym, ale jany ŭsie ananimnyja.
«A jak tolki adzin čałaviek, klerk z NATO, adkryŭ tvar, jon adrazu atrymaŭ ad usioj suśvietnaj supolnaści adkaz. Tamu, nam svajo rabić, vyzvalać terytoryi, viartacca da Čornaha i Azoŭskaha moraŭ. Kali my nie budziem mieć u Krymie svajho vajskovaha fłotu, my budziem znachodzicca ŭ vielmi składanym stanie z punktu hledžańnia biaśpieki ŭvieś čas», — dadaŭ Daniłaŭ.
Ciapier čytajuć
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika77
Kamientary