Дзяўчына жыла ў здымнай кватэры. Суседзі паверхам ніжэй паведамілі ўласніку, што кватарантка іх затапіла. Ён паспрабаваў трапіць у кватэру, але яму не адчынілі. Мужчына звярнуўся ў міліцыю, піша sb.by.
Калі дзверы адчынілі, у ванным пакоі знайшлі цела 20-гадовай дзяўчыны з тэрмічнымі пашкоджаннямі скуры (электраметкамі) на руцэ і назе.
Дзяўчына прымала душ у момант, калі працавала пральная машына.
Спецыялісты агледзелі кватэру і ванны пакой, у якім адбылася трагедыя. Высветлілася, што там зроблена двухпровадная электраправодка, а чыгунная ванна не далучаная да дадатковай сістэмы ўраўнавання патэнцыялаў. Плюс да ўсяго ў павярховым электрашчытку не была ўстаноўлена прылада ахоўнага адключэння.
Пральная машына падключалася ў двухполюсную разетку без зазямлення.
Трагедыі можна было пазбегнуць, адзначаюць эксперты, калі б пральная машына была падключаная ў трохпровадную электрасетку.
У дамах са старой праводкай і там, дзе няма электрабяспекі, спецыялісты не рэкамендуюць прымаць душ або ванну, калі працуе пральная машына.
Цяпер чытаюць
Пад Слуцкам падчас нелегальных гонак жонка накіравала Range Rover у Subaru мужа. Цяжка пацярпелі чацвёра1
Пад Слуцкам падчас нелегальных гонак жонка накіравала Range Rover у Subaru мужа. Цяжка пацярпелі чацвёра
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары