Dziaŭčyna žyła ŭ zdymnaj kvatery. Susiedzi paviercham nižej paviedamili ŭłaśniku, što kvatarantka ich zatapiła. Jon pasprabavaŭ trapić u kvateru, ale jamu nie adčynili. Mužčyna źviarnuŭsia ŭ milicyju, piša sb.by.
Kali dźviery adčynili, u vannym pakoi znajšli cieła 20-hadovaj dziaŭčyny z termičnymi paškodžańniami skury (elektramietkami) na ruce i nazie.
Dziaŭčyna prymała duš u momant, kali pracavała pralnaja mašyna.
Śpiecyjalisty ahledzieli kvateru i vanny pakoj, u jakim adbyłasia trahiedyja. Vyśvietliłasia, što tam zroblena dvuchprovadnaja elektrapravodka, a čyhunnaja vanna nie dałučanaja da dadatkovaj sistemy ŭraŭnavańnia patencyjałaŭ. Plus da ŭsiaho ŭ paviarchovym elektraščytku nie była ŭstanoŭlena pryłada achoŭnaha adklučeńnia.
Pralnaja mašyna padklučałasia ŭ dvuchpolusnuju razietku biez zaziamleńnia.
Trahiedyi možna było paźbiehnuć, adznačajuć ekśpierty, kali b pralnaja mašyna była padklučanaja ŭ trochprovadnuju elektrasietku.
U damach sa staroj pravodkaj i tam, dzie niama elektrabiaśpieki, śpiecyjalisty nie rekamiendujuć prymać duš abo vannu, kali pracuje pralnaja mašyna.
Kamientary