Сёння налічваецца 180 відаў праязных дакументаў, з укараненнем адзінага праязнога іх застанецца 26.
Адзіны праязны для гарадскога наземнага транспарту можа з'явіцца ў Мінску да верасня. Пра гэта паведаміў намеснік гендырэктара «Мінсктранса» Віктар Тозік, піша БелТА.
«Да 1 верасня плануецца ўкараненне адзінага праязнога дакумента. Сёння налічваецца 180 відаў праязных дакументаў, з укараненнем адзінага праязнога іх застанецца 26», — сказаў ён.
Па яго словах, перш за ўсё гэта зручна для пасажыраў. «З увядзеннем адзінага праязнога пасажыр на працягу дня зможа зрабіць любую колькасць перасадак, не чакаючы свайго віду транспарту», — распавёў ён.
Таксама намеснік гендырэктара адзначыў, што ў перспектыве прыярытэт будзе аддавацца развіццю электратранспарту.
«Сёння на прадпрыемстве налічваецца 93 электробусы, апошнія 23 мы набылі сёлета і летась. Гэта электробусы з павялічаным аўтаномным ходам да 140 км. За такім транспартам будучыня. У далейшым павелічэнне аўтаномнага ходу дазволіць выкарыстоўваць такі від транспарту ў прыгарадных перавозках», — звярнуў увагу Віктар Тозік.
Штодня «Мінсктранс» перавозіць каля 1 млн пасажыраў. «Мы знаходзімся на другім месцы пасля метрапалітэна і ажыццяўляем 34% пасажырскіх перавозак», — дадаў намеснік гендырэктара прадпрыемства.
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію7
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне7474
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне74
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1818
Каментары