Siońnia naličvajecca 180 vidaŭ prajaznych dakumientaŭ, z ukaranieńniem adzinaha prajaznoha ich zastaniecca 26.
Adziny prajazny dla haradskoha naziemnaha transpartu moža źjavicca ŭ Minsku da vieraśnia. Pra heta paviedamiŭ namieśnik hiendyrektara «Minsktransa» Viktar Tozik, piša BiełTA.
«Da 1 vieraśnia płanujecca ŭkaranieńnie adzinaha prajaznoha dakumienta. Siońnia naličvajecca 180 vidaŭ prajaznych dakumientaŭ, z ukaranieńniem adzinaha prajaznoha ich zastaniecca 26», — skazaŭ jon.
Pa jaho słovach, pierš za ŭsio heta zručna dla pasažyraŭ. «Z uviadzieńniem adzinaha prajaznoha pasažyr na praciahu dnia zmoža zrabić lubuju kolkaść pierasadak, nie čakajučy svajho vidu transpartu», — raspavioŭ jon.
Taksama namieśnik hiendyrektara adznačyŭ, što ŭ pierśpiektyvie pryjarytet budzie addavacca raźvićciu elektratranspartu.
«Siońnia na pradpryjemstvie naličvajecca 93 elektrobusy, apošnija 23 my nabyli sioleta i letaś. Heta elektrobusy z pavialičanym aŭtanomnym chodam da 140 km. Za takim transpartam budučynia. U dalejšym pavieličeńnie aŭtanomnaha chodu dazvolić vykarystoŭvać taki vid transpartu ŭ pryharadnych pieravozkach», — źviarnuŭ uvahu Viktar Tozik.
Štodnia «Minsktrans» pieravozić kala 1 młn pasažyraŭ. «My znachodzimsia na druhim miescy paśla mietrapalitena i ažyćciaŭlajem 34% pasažyrskich pieravozak», — dadaŭ namieśnik hiendyrektara pradpryjemstva.
Ciapier čytajuć
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»2222
Kamientary