У Іране чыноўнік, адказны за ісламскія каштоўнасці, быў заспеты за сэксам з іншым мужчынам
Адпаведнае відэа распаўсюдзілі іранскія апазіцыйныя медыя. Іранскія ўлады адразу ж заклікалі «не разгойдваць лодку», але чыноўніка знялі з пасады.
У Іране адбыўся сэкс-скандал: мясцовы чыноўнік і па сумяшчальніцтве заўзяты прыхільнік кансерватыўна-ісламскіх каштоўнасцяў заняўся сэксам з мужчынам, а сам працэс трапіў на відэа. Яно адразу ж разляцелася ў сетцы, але ўлады Ірана заклікалі «не рабіць паспешных высноў».
Пра гэта 29 ліпеня напісала Руская служба Бі-бі-сі.
Чыноўнік па імені Рэза Цагаці да нядаўняга часу ўзначальваў Дэпартамент ісламскай культуры ў правінцыі Гілян, што каля Азербайджана. Апроч таго, ён быў заснавальнікам культурнага цэнтра, які прапагандаваў набожнасць і строгія нормы нашэння хіджаба.
«Нягледзячы на тое, што асобы людзей на тым відэа яшчэ канчаткова не пацверджаны, улады Ірана ўжо знялі Цагаці з яго пасады і распачалі ў дачыненні да яго праверку», — піша Руская служба Бі-бі-сі.
У дадатак да гэтага кіраўніцтва Ірана заклікала не выкарыстоўваць відэа «для разбурэння слаўнага культурнага фронту ісламскай рэвалюцыі».
Нагадаем, што ў Іране мужаложства лічыцца адным з самых цяжкіх злачынстваў, якое можа карацца смерцю. Гэты факт дадае яшчэ больш цікавасці да выпадку з чыноўнікам, бо ён быў проста зняты са сваёй пасады, а яго дзеянні на відэа былі афіцыйна названыя ўладамі ўсяго толькі «правінай».
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая11
Каментары