Свет

Іран усталёўвае камеры, каб адсочваць і караць жанчын без хіджабаў

Іранская паліцыя, каб спыніць рост парушэнняў абавязковага дрэс-коду сярод жанчын, будзе ўсталёўваць камеры назірання ў грамадскіх месцах і на дарогах, піша Reuters.

Фота: Behzad Ghaffarian / Unsplash

Пасля таго, як жанчыны без хіджабаў будуць апазнаны, яны атрымаюць паведамленні з папярэджаннем аб наступствах.

Гэты крок накіраваны на «прадухіленне супраціву закону аб хіджабе», гаворыцца ў заяве, распаўсюджанай судовым інфармацыйным агенцтвам Mizan і іншымі дзяржаўнымі СМІ. Там адзначаецца, што такі супраціў ганьбіць духоўны імідж Ірана і сее няўпэўненасць.

Усё большая колькасць іранскіх жанчын адмаўляецца ад хіджабаў пасля смерці 22-гадовай курдзянкі Махсы Аміні. 13 верасня 2022 года ў Тэгеране яе затрымала паліцыя нораваў. Дзяўчыну абвінавацілі ў тым, што яна замест хіджаба мела хустку. І з паліцэйскага пастарунка жывой яна ўжо не выйшла.

Паводле афіцыйнай версіі, Махса Аміні памерла ў паліцэйскім падраздзяленні праз праблемы з сэрцам. Але, па звестках СМІ, дзяўчына памерла ў шпіталі. Туды яе даставілі моцна збітай, з пераламаным чэрапам, і яна знаходзілася ў стане комы. Пра яе смерць было аб'яўлена 16 верасня.

Сілы бяспекі жорстка задушылі пратэсты пасля яе смерці.

Але, нягледзячы на рызыку арышту за парушэнне абавязковага дрэс-коду, жанчын па-ранейшаму часта можна ўбачыць без хіджабаў у гандлёвых цэнтрах, рэстаранах, крамах і на вуліцах па ўсёй краіне. 

У суботняй заяве паліцыі з нагоды закона аб хіджабах утрымліваецца заклік да ўладальнікаў прадпрыемстваў «сур'ёзна сачыць за выкананнем грамадскіх нормаў з дапамогай сваіх пільных праверак».

Паводле законаў ісламскага шарыяту Ірана, уведзеных пасля рэвалюцыі 1979 года, жанчыны абавязаны пакрываць валасы і насіць доўгае, свабоднае адзенне, каб схаваць сваю фігуру. Парушальніцам пагражалі публічныя вымовы, штрафы або арышт.

У заяве Міністэрства ўнутраных спраў ад 30 сакавіка гаварылася, што адступленняў па гэтым пытанні не будзе. Яно заклікала грамадзян супрацьстаяць жанчынам без хіджабаў.

Каментары

Цяпер чытаюць

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары2

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Усе навіны →
Усе навіны

Блогер-канспіролаг Вірус спыняе сваю дзейнасць, бо ніхто яму не данаціў15

«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне1

«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы

Застаўся без парэчак. Уладальнік гадавальніка пад Мінскам — пра тое, як надвор’е паўплывала на працу1

Топ-менеджарка Astronomer, якая абдымалася з CEO кампаніі на канцэрце Coldplay, таксама звольнілася4

У Віцебску абрынуліся сем гаспадарчых пабудоў з-за падмывання грунту

Смерць удовам. Археолаг расказаў пра знаходку, якая сведчыць пра жудасны звычай першых славян на Беларусі32

Бум на матчу па ўсім свеце: попыт расце, запасы змяншаюцца5

Пяць парад, як проста пазбавіцца ад паху і плям поту на адзенні4

больш чытаных навін
больш лайканых навін

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары2

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Галоўнае
Усе навіны →

Заўвага:

 

 

 

 

Закрыць Паведаміць