Свет

Міністр замежных спраў Украіны заклікаў Нямеччыну не паўтараць памылку Меркель

Калі б Украіна ўжо была чальцом NATO ў 2014 годзе, анексіі Крыма, вайны на Данбасе і ўварвання на тэрыторыю ўсёй краіны не адбылося б.

Ангела Меркель. Фота: Andrea Savorani Neri / NurPhoto via Getty Images

Міністр замежных спраў Дмытро Кулеба заклікаў нямецкі ўрад не паўтараць памылку былой канцлеркі Ангелы Меркель, перашкаджаючы ўступленню Украіны ў NATO. Пра гэта Кулеба заявіў у інтэрв'ю нямецкаму выданню Bild, як піша «Украінская праўда».

«Не паўтарайце памылку канцлеркі Меркель, якую яна зрабіла ў Бухарэсце ў 2008 годзе, калі была супраць любога прагрэсу на шляху да членства Украіны ў NATO», — сказаў Кулеба.

На яго думку, тагачасная пастанова Альянсу «адкрыла дзверы для ўварвання Пуціна ў Грузію і ў выніку незаконнай анексіі Крыма». Калі б Украіна ўжо была чальцом NATO ў 2014 годзе, то анексіі Крыма, вайны на Данбасе і ўварвання на тэрыторыю ўсёй краіны не адбылося б.

Аднак, са слоў Кулебы, Кіеў не чакае прыёму ў NATO падчас вайны.

«Але пасля вайны для Еўропы было б самагубствам не прыняць Украіну ў NATO», — сказаў ён.

«Адзіны спосаб закрыць дзверы расійскай агрэсіі супраць Еўропы і Еўрапейска-атлантычнай прасторы — гэта прыняць Украіну ў NATO», — падкрэсліў міністр.

Ён растлумачыў, што Расія не наважыцца зноў напасці на Украіну, якая будзе чальцом NATO. І тады Украіна вызваліць Нямеччыну і іншыя заходнія краіны NATO ад цяжару абароны свайго ўсходняга фланга.

«Мы возьмем гэты цяжар на свае плечы», — сказаў Кулеба.

***

На Бухарэсцкім саміце NATO 2008 года Германія і Францыя заблакавалі атрыманне Украінай, а таксама Грузіяй Плана дзеянняў па членстве ў NATO, баючыся эскалацыі з боку Расіі. 

Пасля поўнамаштабнага ўварвання РФ ва Украіну Меркель адмовілася прызнаць, што тая яе пастанова магла прывесці да расійскай агрэсіі.

У маі 2023 года генеральны сакратар NATO Енс Столтэнберг заявіў, што незалежна ад пастановы саміту Альянсу ў 2008 годзе, дзе Украіна не атрымала План дзеянняў членства, напад Расіі на Украіну — гэта нічым не апраўданае парушэнне міжнароднага права.

Каментары

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

Беларусаў з жэнеўскімі пашпартамі не пусцілі ў Варшаве на самалёт у Малдову7

Шведскае тэлебачанне атрымала здымкі, якія паказваюць развіццё ядзернай базы ў Асіповічах і ў Калінінградзе5

Як ПВТ пачуваецца ў 2025 годзе: айцішнікаў і грошай больш, але да аднаўлення яшчэ далёка

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць