У Кіеве будуць маліцца за Івана Мазепу. Анафема яму была абвешчана 300 гадоў таму
У Кіева-Пячэрскай лаўры ўпершыню ў гісторыі святыні адправяць паніхіду па яе мецэнату і гетману Івану Мазепу. Набажэнства адбудзецца 11 чэрвеня ў Дзень Усіх Святых ва Усіхсвяцкай царкве, пабудаванай за кошт Івана Мазепы.
Паніхіду правядуць з нагоды 325-годдзя асвячэння храма, піша «Украінская праўда».
«У гэты дзень упершыню ў гісторыі Кіева-Пячэрскай лаўры будзе адпраўлена паніхіда па яе мецэнату і гетману Івану Мазепу, які за нежаданне падпарадкоўвацца Масковіі яшчэ пры жыцці быў падвергнуты анафеме расійскай імперскай царквой. Ніводная з украінскіх цэркваў ніколі не прызнавала сілу гэтай анафемы, а ўкраінцы па ўсім свеце маліліся за яго спачын. Затое ў Маскоўскім патрыярхаце «праклінаць» Мазепу працягвалі і ў часы незалежнай Украіны, і нават пасля пачатку вайны ў 2014 годзе. Зараз гістарычная і духоўная справядлівасць будзе адноўленая», — напісана ў паведамленні ўкраінскай Царквы.
Паніхіда стане пачаткам адраджэння ва ўкраінскай лаўры традыцыі ўшанавання выбітных фігур нацыянальнай гісторыі і культуры.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў70
Каментары
Менавіта гєта мяне турбуе з 24 Лютага ..каб ні былі " паслядоуны" як і 100 год таму спачатку пятлюра пасля махна мішка япончік арцем харкавска данецкі.....
І гєта зусім ні сарказм.Менавіта турбуе але як беларуса.і менавіта карысць дзля Беларусі ..Мужнасць Здольнасць Моц ЗСУ