Папярэдні мэр увёў мінімальнае кашэнне газонаў. Такім чынам спадзяваліся аднавіць лугі і палепшыць экалогію.
Апошнія гады пад «англійскі газон» у Вільні касілі толькі траву на цэнтральных плошчах, у жылых зонах і ў месцах адпачынку. А вось уздоўж дарог і на адхонах, а таксама ў зонах, дзе людзі не ходзяць, касілі два разы на год, мінімальна, пасля адцвітання траўніка. Гэтую практыку літоўцы перанялі ад скандынаваў і швейцарцаў. Яна мела спрыяць аднаўленню біяразнастайнасці і меншаму награванню горада летам, бо кошаны газон награваецца нашмат мацней, чым някошаны луг.
Аднак такое рашэнне гарадскіх уладаў выклікала крытыку: зарослыя вуліцы і лужкі сталі глядзецца нібы занядбаныя, а жывёлы і людзі сталі часцей лавіць кляшчоў.
У выніку новы мэр горада, хрысціянскі дэмакрат Валдас Бянкунскас першым рашэннем змяніў расклад кашэння. Цяпер Вільня будзе ў гэтым сэнсе зноў выглядаць як Мінск.
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў11
Каментары