U Vilni pieršaje rašeńnie novaha mera — buduć kasić hazony jak raniej
Papiaredni mer uvioŭ minimalnaje kašeńnie hazonaŭ. Takim čynam spadziavalisia adnavić łuhi i palepšyć ekałohiju.
Apošnija hady pad «anhlijski hazon» u Vilni kasili tolki travu na centralnych płoščach, u žyłych zonach i ŭ miescach adpačynku. A voś uzdoŭž daroh i na adchonach, a taksama ŭ zonach, dzie ludzi nie chodziać, kasili dva razy na hod, minimalna, paśla adćvitańnia traŭnika. Hetuju praktyku litoŭcy pieraniali ad skandynavaŭ i šviejcarcaŭ. Jana mieła spryjać adnaŭleńniu bijaraznastajnaści i mienšamu nahravańniu horada letam, bo košany hazon nahravajecca našmat macniej, čym niakošany łuh.
Adnak takoje rašeńnie haradskich uładaŭ vyklikała krytyku: zarosłyja vulicy i łužki stali hladziecca niby zaniadbanyja, a žyvioły i ludzi stali čaściej łavić klaščoŭ.
U vyniku novy mer horada, chryścijanski demakrat Vałdas Biankunskas pieršym rašeńniem źmianiŭ raskład kašeńnia. Ciapier Vilnia budzie ŭ hetym sensie znoŭ vyhladać jak Minsk.
Kamientary