Гэты амерыканец ніколі не быў у Ірландыі і не мае ірландскіх каранёў, але стаў размаўляць з ірландскім акцэнтам і нічога не мог з гэтым зрабіць.
Амерыканец з дыягнаставаным ракам прастаты раптоўна і некантралявана стаў размаўляць з ірландскім акцэнтам. Пра гэта 17 лютага паведаміла агенцтва BBC са спасылкай на Брытанскі медыцынскі часопіс (BMJ).
Мужчына, якому было больш за 50 гадоў, на думку лекараў, пакутаваў ад сіндрому замежнага акцэнту (Foreign accent syndrom, ці проста FAS).
Гэты рэдкі сіндром заставаўся з мужчынам да канца яго жыцця.
«Характэрна тое, што ён ні разу не наведваў Ірландыю і ў яго там няма блізкіх сваякоў. Але яго ірландскі акцэнт быў некантраляваным, прысутнічаў у любых сітуацыях і паступова станавіўся ўстойлівым», — піша BBC, цытуючы медыцынскіх спецыялістаў.
Па словах медыкаў, ва ўсім свеце было зафіксавана толькі некалькі падобных выпадкаў.
«Наколькі нам вядома, гэта першы выпадак FAS, які быў апісаны ў пацыента з ракам прадсталёвай залозы, і трэці, апісаны ў пацыента са злаякасным наватворам. Пры гэтым у мужчыны не было анамалій неўралагічнага абследавання, псіхіятрычнага анамнезу або МРТ-анамалій галаўнога мозга пры з'яўленні сімптомаў раку прастаты», — адзначылі спецыялісты.
Яны мяркуюць, што прычынай узнікнення сіндрому замежнага акцэнту з'яўляецца паранеапластычнае неўралагічнае расстройства (PND) — стан, калі імунная сістэма ў хворага на рак чалавека атакуе яго мышцы, нервы, а таксама галаўны і спінны мозг.
«Гэта ў тым ліку прыводзіць да адчування, быццам ты чуеш нейкага незнаёмца побач з сабой», — кажуць даследчыкі.
Згодна з інфармацыяй BBС, адзін з першых зарэгістраваных выпадакаў FAS развіўся ў жыхаркі Нарвегіі падчас Другой сусветнай вайны, калі каля яе ўзарвалася авіябомба. У выніку жанчына загаварыла з нямецкім акцэнтам, з-за чаго яе пазбягалі і лічылі шпіёнкай з Германіі.
Чытайце яшчэ:
Упершыню ў свеце Альцгеймер знайшлі ў 19-гадовага маладога чалавека
Як марыхуана звязаная з хірургіяй — што даведаліся дактары
Алкаголь шкодны. Але ў малых дозах ратуе ад дэменцыі
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца16
Каментары