U chvoraha na rak prastaty raźviŭsia niekantralavany zamiežny akcent
Hety amierykaniec nikoli nie byŭ u Irłandyi i nie maje irłandskich karanioŭ, ale staŭ razmaŭlać ź irłandskim akcentam i ničoha nie moh z hetym zrabić.
Amierykaniec z dyjahnastavanym rakam prastaty raptoŭna i niekantralavana staŭ razmaŭlać ź irłandskim akcentam. Pra heta 17 lutaha paviedamiła ahienctva BBC sa spasyłkaj na Brytanski miedycynski časopis (BMJ).
Mužčyna, jakomu było bolš za 50 hadoŭ, na dumku lekaraŭ, pakutavaŭ ad sindromu zamiežnaha akcentu (Foreign accent syndrom, ci prosta FAS).
Hety redki sindrom zastavaŭsia z mužčynam da kanca jaho žyćcia.
«Charakterna toje, što jon ni razu nie naviedvaŭ Irłandyju i ŭ jaho tam niama blizkich svajakoŭ. Ale jaho irłandski akcent byŭ niekantralavanym, prysutničaŭ u lubych situacyjach i pastupova stanaviŭsia ŭstojlivym», — piša BBC, cytujučy miedycynskich śpiecyjalistaŭ.
Pa słovach miedykaŭ, va ŭsim śviecie było zafiksavana tolki niekalki padobnych vypadkaŭ.
«Nakolki nam viadoma, heta pieršy vypadak FAS, jaki byŭ apisany ŭ pacyjenta z rakam pradstalovaj załozy, i treci, apisany ŭ pacyjenta sa złajakasnym navatvoram. Pry hetym u mužčyny nie było anamalij nieŭrałahičnaha abśledavańnia, psichijatryčnaha anamniezu abo MRT-anamalij hałaŭnoha mozha pry źjaŭleńni simptomaŭ raku prastaty», — adznačyli śpiecyjalisty.
Jany miarkujuć, što pryčynaj uźniknieńnia sindromu zamiežnaha akcentu źjaŭlajecca paranieapłastyčnaje nieŭrałahičnaje rasstrojstva (PND) — stan, kali imunnaja sistema ŭ chvoraha na rak čałavieka atakuje jaho myšcy, niervy, a taksama hałaŭny i śpinny mozh.
«Heta ŭ tym liku pryvodzić da adčuvańnia, byccam ty čuješ niejkaha nieznajomca pobač z saboj», — kažuć daśledčyki.
Zhodna ź infarmacyjaj BBS, adzin ź pieršych zarehistravanych vypadakaŭ FAS raźviŭsia ŭ žycharki Narviehii padčas Druhoj suśvietnaj vajny, kali kala jaje ŭzarvałasia avijabomba. U vyniku žančyna zahavaryła ź niamieckim akcentam, z-za čaho jaje paźbiahali i ličyli špijonkaj z Hiermanii.
Čytajcie jašče:
Upieršyniu ŭ śviecie Alchiejmier znajšli ŭ 19-hadovaha maładoha čałavieka
Jak marychuana źviazanaja z chirurhijaj — što daviedalisia daktary
Ałkahol škodny. Ale ŭ małych dozach ratuje ad demiencyi
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary