Ва Украіне, імаверна, змогуць вырабляць брытанскую зброю і вайсковыя аўтамабілі
Брытанскую зброю і ваенныя аўтамабілі, магчыма, змогуць вырабляць ва Украіне па ліцэнзіі, піша The Telegraph. Гэта зменшыць залежнасць краіны ад паставак узбраенняў краін Захаду.
Як піша выданне, кіраўнікі брытанскіх абаронна-прамысловых прадпрыемстваў ездзілі ў Кіеў, каб абмеркаваць магчымасць стварэння сумесных прадпрыемстваў на месцы.
Іншыя еўрапейскія абаронна-прамысловыя прадпрыемствы таксама вядуць аналагічныя перамовы з украінскім бокам.
Раней Украіна ўжо вырабляла па ліцэнзіі некаторую ізраільскую і амерыканскую зброю, у тым ліку вінтоўкі, а таксама адаптавала некаторыя свае танкі для ўсталёўкі ізраільскай электронікі.
Фрэнсіс Туса, незалежны эксперт па абароне, заўважае, што здзелкі па вытворчасці заходняй бронетэхнікі, хутчэй за ўсё, будуць успрынятыя Масквой як антаганістычныя, але саюзнікі па НАТА наўрад ці будуць запалоханыя гэтымі пагрозамі ў святле ўсё больш складаных паставак узбраенняў.
Расія неаднаразова пагражала заходнім краінам мерамі ў адказ за пастаўку зброі Украіне, і любая падтрымка вытворчасці зброі на тэрыторыі краіны, верагодна, прывядзе да абвастрэння напружанасці.
Як адзначае The Telegraph, любое такое сумеснае прадпрыемства, верагодна, запатрабуе адабрэння брытанскага прэм'ер-міністра Рышы Сунака.
-
Кіеў увечары зноў быў пад атакамі, знікалі святло і вада. За дзень ва Украіне загінулі як мінімум 25 чалавек
-
Колькасць загінулых у Прылуках пад Чарнігавым вырасла да 14
-
Былы кіраўнік Google: Расія здаганяе Украіну ў вайсковых тэхналогіях, а рэсурсаў у яе нашмат больш. Галоўным выклікам будзе «Рассвет»
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны18
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары