Зімой, асабліва ў моцныя маразы і ветранае надвор'е, павышаецца рызыка сардэчнага прыступу, які называюць халадовым інфарктам. Каму ён пагражае і як яго пазбегнуць?
Пра гэта расказала «Звяздзе» доктар-тэрапеўт, загадчык аддзялення прафілактыкі 11-й гарадской паліклінікі Мінска Святлана Янушка.
— Пад халадовай стэнакардыяй (інфарктам) разумеюць прыступ загрудзінных боляў, які здараецца пры рэзкім перападзе тэмпературы. Узнікае ён з-за спазмы сасудаў, напрыклад, у раёне канечнасцяў. Пры гэтым рэзка павялічваецца нагрузка на сэрца і можа развіцца рэфлекторная спазма сасудаў, якая пагоршыць кровазабеспячэнне галоўнай сардэчнай мышцы — міякарда. Не выключаецца развіццё нават паўнацэннага інфаркту.
— Калі і пры якіх абставінах гэта можа здарыцца?
— Часцей за ўсё праблема адзначаецца, калі чалавек выходзіць з цёплага памяшкання на вуліцу пры марозе. Найбольш часта такі інфаркт узнікае пасля моцных псіхаэмацыянальных перажыванняў, а таксама ў курцоў. У такіх людзей парушана работа вегетатыўнай нервовай сістэмы, што і ёсць прычынай хваробы.
— У якіх выпадках гэта небяспечна і варта звяртацца да доктара?
— Калі пры выхадзе на мароз ці, наадварот, пры заходзе ў цёплае памяшканне пасля марозу ўзнікаюць боль і дыскамфорт у грудной клетцы, то гэта нагода звярнуцца да доктара. Ён прызначыць ЭКГ, аналізы, нагрузачны стрэс-тэст і халадовую пробу, падчас якой рукі пацыента апускаюць у халодную ваду і сочаць за рэакцыяй сэрца на ЭКГ.
— Ці можна неяк загартаваць свой арганізм, каб пазбегнуць халадовай стэнакардыі? Якія меры яе прафілактыкі?
— У якасці прафілактыкі інфаркту неабходна весці здаровы лад жыцця: паўнацэнна харчавацца, памятаць аб фізічнай актыўнасці, пазбягаць стрэсаў. Акрамя таго, пазбягаць рэзкіх перападаў тэмпературы, насіць цёплае адзенне па сезоне, выкарыстоўваць шалік і пальчаткі.
-
За тыдзень у Беларусі колькасць захворванняў на рэспіраторныя інфекцыі вырасла на 18 працэнтаў
-
Беларуская фітнэс-трэнерка два гады пакутавала ад невядомай хваробы. Здаецца, яна знайшла адказ — але ад яго не лягчэй
-
Нараджаецца менш дзяцей, бо праблемай стала зачаць. Вось што выявілі апошнія даследаванні, асабліва мужчынскага здароўя
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары