Zimoj, asabliva ŭ mocnyja marazy i vietranaje nadvorje, pavyšajecca ryzyka sardečnaha prystupu, jaki nazyvajuć chaładovym infarktam. Kamu jon pahražaje i jak jaho paźbiehnuć?
Pra heta raskazała «Źviaździe» doktar-terapieŭt, zahadčyk adździaleńnia prafiłaktyki 11-j haradskoj palikliniki Minska Śviatłana Januška.
— Pad chaładovaj stenakardyjaj (infarktam) razumiejuć prystup zahrudzinnych bolaŭ, jaki zdarajecca pry rezkim pierapadzie tempieratury. Uźnikaje jon z-za spazmy sasudaŭ, naprykład, u rajonie kaniečnaściaŭ. Pry hetym rezka pavialičvajecca nahruzka na serca i moža raźvicca reflektornaja spazma sasudaŭ, jakaja pahoršyć krovazabieśpiačeńnie hałoŭnaj sardečnaj myšcy — mijakarda. Nie vyklučajecca raźvićcio navat paŭnacennaha infarktu.
— Kali i pry jakich abstavinach heta moža zdarycca?
— Čaściej za ŭsio prablema adznačajecca, kali čałaviek vychodzić ź ciopłaha pamiaškańnia na vulicu pry marozie. Najbolš časta taki infarkt uźnikaje paśla mocnych psichaemacyjanalnych pieražyvańniaŭ, a taksama ŭ kurcoŭ. U takich ludziej parušana rabota viehietatyŭnaj niervovaj sistemy, što i jość pryčynaj chvaroby.
— U jakich vypadkach heta niebiaśpiečna i varta źviartacca da doktara?
— Kali pry vychadzie na maroz ci, naadvarot, pry zachodzie ŭ ciopłaje pamiaškańnie paśla marozu ŭźnikajuć bol i dyskamfort u hrudnoj kletcy, to heta nahoda źviarnucca da doktara. Jon pryznačyć EKH, analizy, nahruzačny stres-test i chaładovuju probu, padčas jakoj ruki pacyjenta apuskajuć u chałodnuju vadu i sočać za reakcyjaj serca na EKH.
— Ci možna niejak zahartavać svoj arhanizm, kab paźbiehnuć chaładovaj stenakardyi? Jakija miery jaje prafiłaktyki?
— U jakaści prafiłaktyki infarktu nieabchodna vieści zdarovy ład žyćcia: paŭnacenna charčavacca, pamiatać ab fizičnaj aktyŭnaści, paźbiahać stresaŭ. Akramia taho, paźbiahać rezkich pierapadaŭ tempieratury, nasić ciopłaje adzieńnie pa siezonie, vykarystoŭvać šalik i palčatki.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary