Беларускія пенсіянеры ўсё больш актыўна выкарыстоўваюць сацсеткі і месенджары. У лідарах Facebook і Viber
Беларускія пенсіянеры сталі больш часу праводзіць у сацсетках, яны актыўна карыстаюцца Viber, Facebook і TikTok. Гэта вынікае з даследавання, праведзенага аператарам МТС на аснове звестак Big Data.
Высветлілася, што беларускія мужчыны ад 63 гадоў праводзяць шмат часу ў сацсетках, а жанчыны пачынаюць надаваць больш увагі месенджарам з 58 гадоў.
Паводле статыстыкі, у беларускіх пенсіянераў сёлета прыкметна вырас попыт на мабільны інтэрнэт. У 2022 годзе яны спампавалі больш за 50 тыс. тэрабайтаў трафіку, а гэта амаль на 43% больш, чым у 2021-м годзе.
Беларускія пенсіянеры актыўна карыстаюцца сацыяльнымі сеткамі, рэйтынг пляцовак паводле папулярнасці выглядае так:
- ВКонтакте
- Аднакласнікі
- TikTok
Самым папулярным месенджарам у Беларусі стаў Viber, а другое і трэцяе месца падзялілі Telegram і WhatsApp.
У 2022 годзе пенсіянеры — абаненты МТС сталі праяўляць большую цікавасць да сучасных тэхналогій і больш актыўна пераходзіць на выкарыстанне смартфонаў. Такіх стала на 11% больш у параўнанні з 2021 годам. Пры гэтым сярод мабільных гаджэтаў фігуруюць смартфоны такіх брэндаў, як Xiaomi лінейкі Redmi, а таксама Huawei, Honor і Samsung лінейкі Galaxy.
Усяго ў 2022 годзе абаненты сталага веку правялі ў размовах амаль 4,5 млн хвілін. З іх палова, а гэта амаль 2,17 млн хвілін, прыйшлася на ўваходныя званкі, а другая, што складае больш за 2,32 млн хвілін, — на выходныя.
У сярэднім адзін абанент выдаткаваў каля 1870 хвілін на ўваходныя званкі і каля 1990 хвілін — на выходныя.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары