Biełaruskija piensijaniery ŭsio bolš aktyŭna vykarystoŭvajuć sacsietki i miesiendžary. U lidarach Facebook i Viber
Biełaruskija piensijaniery stali bolš času pravodzić u sacsietkach, jany aktyŭna karystajucca Viber, Facebook i TikTok. Heta vynikaje z daśledavańnia, praviedzienaha apierataram MTS na asnovie źviestak Big Data.
Vyśvietliłasia, što biełaruskija mužčyny ad 63 hadoŭ pravodziać šmat času ŭ sacsietkach, a žančyny pačynajuć nadavać bolš uvahi miesiendžaram z 58 hadoŭ.
Pavodle statystyki, u biełaruskich piensijanieraŭ sioleta prykmietna vyras popyt na mabilny internet. U 2022 hodzie jany spampavali bolš za 50 tys. terabajtaŭ trafiku, a heta amal na 43% bolš, čym u 2021-m hodzie.
Biełaruskija piensijaniery aktyŭna karystajucca sacyjalnymi sietkami, rejtynh placovak pavodle papularnaści vyhladaje tak:
- VKontaktie
- Adnakłaśniki
- TikTok
Samym papularnym miesiendžaram u Biełarusi staŭ Viber, a druhoje i treciaje miesca padzialili Telegram i WhatsApp.
U 2022 hodzie piensijaniery — abanienty MTS stali prajaŭlać bolšuju cikavaść da sučasnych technałohij i bolš aktyŭna pierachodzić na vykarystańnie smartfonaŭ. Takich stała na 11% bolš u paraŭnańni z 2021 hodam. Pry hetym siarod mabilnych hadžetaŭ fihurujuć smartfony takich brendaŭ, jak Xiaomi liniejki Redmi, a taksama Huawei, Honor i Samsung liniejki Galaxy.
Usiaho ŭ 2022 hodzie abanienty stałaha vieku praviali ŭ razmovach amal 4,5 młn chvilin. Ź ich pałova, a heta amal 2,17 młn chvilin, pryjšłasia na ŭvachodnyja zvanki, a druhaja, što składaje bolš za 2,32 młn chvilin, — na vychodnyja.
U siarednim adzin abanient vydatkavaŭ kala 1870 chvilin na ŭvachodnyja zvanki i kala 1990 chvilin — na vychodnyja.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary