Брытанскія навукоўцы ўпершыню ў гісторыі пералілі чалавеку штучную кроў. Вырашчаныя ў лабараторыі эрытрацыты атрымалі два здаровыя добраахвотнікі. Клінічныя выпрабаванні тэхналогіі праходзяць у рамках даследчага праекта Restore.
Эрытрацыты вырасцілі з узораў крыві людзей з базы донараў Нацыянальнай службы аховы здароўя Вялікабрытаніі. Спачатку з біяматэрыялу вылучылі ствалавыя клеткі, а затым ужо дыферэнцыявалі іх.
У адрозненне ад звычайных, усе штучныя эрытрацыты маладыя — у сапраўднай крыві донараў ёсць клеткі рознага ўзросту. Добраахвотнікі атрымалі па 5-10 мілілітраў вадкасці з імі — 1-2 чайнай лыжкі.
«Спадзяёмся, што вырашчаныя ў лабараторыі эрытрацыты будуць жыць даўжэй за звычайныя донарскія. Калі наша выпрабаванне, першае такое ў свеце, пройдзе паспяхова, пацыентам, якія цяпер маюць патрэбу ў рэгулярных працяглых пераліваннях крыві, у будучыні спатрэбіцца менш такіх працэдур. Гэта зможа змяніць іх лячэнне», — заявіў вядучы аўтар працы Седрык Гіверт.
Штучныя эрытрацыты можна будзе пераліваць людзям з анеміяй і іншымі захворваннямі крыві, а таксама пацыентам з рэдкімі групамі.
-
Дастаўшчык ежы «Яндэкс» у Маскве заспяваў на вуліцы і стаў зоркай — ім аказаўся хлопец з Брэста
-
Беларусы здымаюць вогненныя пародыі на ролік са школьнікам, які палоў бульбу — далучыліся ратавальнікі, метрапалітэн і «Купалаўцы» ВІДЭА
-
«Я аж спалохаўся, рэальна». Беларусы знайшлі ў лесе гіганцкі баравік
Цяпер чытаюць
Дастаўшчык ежы «Яндэкс» у Маскве заспяваў на вуліцы і стаў зоркай — ім аказаўся хлопец з Брэста5
Каментары