Прэм'еру «Дома дракона» паглядзелі амаль 10 млн гледачоў — гэта рэкорд HBO
Прэм'ера серыяла «Дом дракона», прыквела «Гульні тронаў», якая адбылася ўчора, прыцягнула амаль 10 млн гледачоў — гэта самы буйны паказчык у гісторыі HBO.
Гаворка ідзе аб праглядах на HBO і на HBO Max. Акрамя таго, па даных даследчага агенцтва Samba TV, першы эпізод прыквела «Гульні тронаў» з дапамогай Smart TV паглядзела 2,6 млн амерыканскіх хатніх гаспадарак. Для параўнання: аўдыторыя прэм'еры чацвёртага сезона «Вельмі дзіўных спраў» на Netflix склала 1,2 млн хатніх гаспадарак.
«Дом Дракона» заснаваны на кнізе Джорджа Марціна «Полымя і кроў» — яе падзеі разгортваюцца амаль за 200 гадоў да тых, што былі апісаныя ў «Гульні тронаў».
Галоўныя героі — дынастыя Таргарыенаў, продкі Дэйнэрыс Таргарыен, якія кіравалі Вестэросам на працягу некалькіх стагоддзяў.
Серыял раскажа пра падзеі грамадзянскай вайны, вядомай як Танец драконаў.
Першы сезон будзе складацца з 10 серый, да яго здымак прыцягнуты і сам Джордж Марцін.
Серыял «Гульня тронаў» выходзіў на экраны з 2011 па 2019 год — за гэты час стужка атрымала велізарную колькасць узнагарод — у тым ліку 38 прэмій «Эмі» ў розных намінацыях — і рэпутацыю аднаго з самых паспяховых серыялаў усіх часоў.
Бюджэт «Дома драконаў» склаў 200 мільёнаў даляраў, палова гэтых грошай пайшла на рэкламу. На сезон «Гульні тронаў» раней ішло каля 100 мільёнаў даляраў.
Цяпер чытаюць
Дзяржаўныя каналы нечакана паказалі, як выглядаюць рэзідэнцыі Лукашэнкі знутры. Раней камеры туды не траплялі17
Каментары