Premjeru «Doma drakona» pahladzieli amal 10 młn hledačoŭ — heta rekord HBO
Premjera sieryjała «Dom drakona», prykvieła «Hulni tronaŭ», jakaja adbyłasia ŭčora, pryciahnuła amal 10 młn hledačoŭ — heta samy bujny pakazčyk u historyi HBO.
Havorka idzie ab prahladach na HBO i na HBO Max. Akramia taho, pa danych daśledčaha ahienctva Samba TV, pieršy epizod prykvieła «Hulni tronaŭ» z dapamohaj Smart TV pahladzieła 2,6 młn amierykanskich chatnich haspadarak. Dla paraŭnańnia: aŭdytoryja premjery čaćviortaha siezona «Vielmi dziŭnych spraŭ» na Netflix skłała 1,2 młn chatnich haspadarak.
«Dom Drakona» zasnavany na knizie Džordža Marcina «Połymia i kroŭ» — jaje padziei razhortvajucca amal za 200 hadoŭ da tych, što byli apisanyja ŭ «Hulni tronaŭ».
Hałoŭnyja hieroi — dynastyja Tarharyjenaŭ, prodki Dejnerys Tarharyjen, jakija kiravali Viesterosam na praciahu niekalkich stahodździaŭ.
Sieryjał raskaža pra padziei hramadzianskaj vajny, viadomaj jak Taniec drakonaŭ.
Pieršy siezon budzie składacca z 10 sieryj, da jaho zdymak pryciahnuty i sam Džordž Marcin.
Sieryjał «Hulnia tronaŭ» vychodziŭ na ekrany z 2011 pa 2019 hod — za hety čas stužka atrymała vielizarnuju kolkaść uznaharod — u tym liku 38 premij «Emi» ŭ roznych naminacyjach — i reputacyju adnaho z samych paśpiachovych sieryjałaŭ usich časoŭ.
Biudžet «Doma drakonaŭ» skłaŭ 200 miljonaŭ dalaraŭ, pałova hetych hrošaj pajšła na rekłamu. Na siezon «Hulni tronaŭ» raniej išło kala 100 miljonaŭ dalaraŭ.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ13
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4444
Kamientary