«Цяпер у мяне няма дома». Галоўная рэдактарка «Новага часу» Аксана Колб пакінула Беларусь
Аксана Колб была асуджаная да двух з паловай гадоў хіміі па народным артыкуле 342 (удзел у беспарадках). Пра свой ад'езд яна паведаміла ў фэйсбуку, анансуючы гутарку з сабой у газеце «Новы час».
«Гэта размова адбылася напярэдадні майго 54-га дня народзінаў, які я сустрэла разам з сябрамі. Тады я яшчэ не ведала, што ў дадатак да 2,5 гадоў хімііі атрымаю 13 сутак па арт. 19.11 і што мяне зноў будуць шукаць следчыя цэнтральнага апарату СК.
І нават уявіць сабе не магла, што амаль праз месяц буду матляцца па чужых краінах. Цяпер у мяне няма дома. Але ёсць адна вялікая мара — сядзець у першым шэрагу падчас вялікага трыбунала, дзе будуць судзіць усіх тых, хто пазбавіў нас радзімы, а кагосьці і свабоды», — напісала яна.
Аксана Колб была затрыманая 20 красавіка, а 15 чэрвеня асуджаная на 2,5 года хіміі па ч. 1 арт. 342 (удзел у дзеяннях, якія груба парушаюць грамадскі парадак). Колб вызвалілі ў зале суда да часу адбыцця пакарання. Тады яна заяўляла, што не збіралася пакідаць Беларусь, але дадатковыя суткі і імавернасць новай справы прымусілі памяняць рашэнне.
Чытайце таксама:
«17 гадоў пражыла ў інтэрнатах — клапамі мяне не напужаць». Вялікая гутарка з рэдактаркай Аксанай Колб пасля прысуду
-
Калоны ў гонар Канстытуцыі 3 мая на Беларусі — міф, спароджаны адной кнігай
-
Кіраўніца «Вольнага хору» Галіна Казіміроўская сутыкнулася з цяжкай хваробай. За суткі ёй амаль сабралі вялікую суму, не хапае зусім крыху
-
Пракуратура палохае, што за навучанне і працу ў ЕГУ можа пагражаць да шасці гадоў зняволення
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»57
Каментары