У чэрвені бягучага года цэны ў Беларусі выраслі на 17,6% да ўзроўню 2021 года. Месяцам раней гадавая інфляцыя складала 17%, а ў красавіку — 16,8%. Апублікаваныя звесткі дазваляюць ацаніць структуру інфляцыі, піша газета «Белорусы и рынок».
За месяц вырасла колькасць тавараў і паслуг, уключаных у спажывецкі кошык, цэны на якія павялічыліся больш чым на 10% у гадавым выражэнні. У маі іх доля складала 69,8% спажывецкага кошыка, а ў чэрвені — ужо 71,8%.
Адпаведна, знізілася колькасць тавараў і паслуг з адносна нізкімі тэмпамі росту цэнаў. Напрыклад, доля тавараў і паслуг, якія падаражэлі менш чым на 5%, склала ўсяго 9,7% у чэрвені супраць 9,9% у маі. Доля тавараў і паслуг з інфляцыяй ад 5 да 10% скарацілася да 17,4% у чэрвені пасля 19,4% у маі.
Характэрна, што крыху ўзрасла доля элементаў спажывецкага кошыка, дзе назіралася зніжэнне цэнаў. У маі такіх было 0,9%, у чэрвені — ужо 1,1%. Апошняе можа быць наступствам сезоннасці цэнаў на плодаагароднінную прадукцыю, бо на рынках і ў крамах з'яўляецца ўсё больш прадуктаў ўраджаю бягучага года, цана на якія досыць хутка зніжаецца па меры павелічэння збору.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2020
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх20
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары