Міністру замежных спраў Расіі Сяргею Лаўрову прысвоілі званне ганаровага прафесара Беларускага дзяржаўнага ўніверсітэта (БДУ). Пра гэта абвясцілі падчас яго сустрэчы са студэнтамі і выкладчыцкім складам ВНУ, паведамляе «Зеркало».
Міністр замежных спраў Расіі наведаў БДУ трэці раз: з тэматычнымі лекцыямі для студэнтаў ён выступаў у 2007 і 2016 гадах. Але сёння рэктар БДУ Андрэй Кароль уручыў Сяргею Лаўрову дыплом ганаровага прафесара.
«У сілу асаблівага вашага асабістага ўкладу ва ўстанаўленне беларуска-расійскіх адносін, ва ўмацаванне сувязяў паміж вядучымі ВНУ нашых краін саветам універсітэта было прынятае рашэнне аб прысваенні вам звання «ганаровы прафесар Беларускага дзяржаўнага універсітэта», — падкрэсліў Кароль, звяртаючыся да Лаўрова.
Акрамя Лаўрова, званне ганаровага прафесара БДУ, у розныя гады атрымлівалі прэзідэнт Азербайджана Ільхам Аліеў, ужо былы прэзідэнт Туркменістана Гурбангулы Бердымухамедаў, кіраўнік РПЦ патрыярх Кірыл, старшыня Савета Федэрацыі Расіі Валянціна Мацвіенка.
Сярод 33 ганаровых прафесараў БДУ ёсць і такія імёны як Жарэс Алфёраў, народны паэт Беларусі Рыгор Барадулін, герой Украіны і доктар хімічных навук Віктар Скапенка і іншыя навукоўцы і грамадскія дзеячы.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
Сказала яму Кошка.—
Каб ты быў разумнейшы трошка
Ды розумам раскінуць мог авечым,
То ўбачыў бы, што ганарыцца нечым,
Бо заслужыў ты свой дыплом
Не галавой, а лбом.