«Українські герої потрібні Україні живими». З марыупальскай «Азоўсталі» вывезлі цяжкапараненых украінскіх вайскоўцаў
Каля дзясятка аўтобусаў з украінскімі вайскоўцамі пакінулі металургічны камбінат «Азоўсталь», паведаміла агенцтва Reuters са спасылкай на відавочцаў. Яны накіраваліся ў Новаазоўск на тэрыторыі так званай «ДНР».
Раней 16 мая расійскае Мінабароны паведаміла пра пачатак эвакуацыі параненых украінскіх вайскоўцаў з тэрыторыі «Азоўсталі».
Па гуманітарным калідоры іх даставілі ў бальніцу Новаазоўска ў так званай «ДНР».
Усяго ў Новаазоўск удалося вывезці, як паведаміла намесніца міністра абароны Украіны Ганна Маляр, 53 украінскіх цяжкапараненых вайскоўцаў.
Яшчэ 211 байцоў, якія здаліся ў палон, эвакуявалі праз гуманітарны калідор у акупаваную Аленаўку на Данеччыне. Іх плануюць вярнуць на падкантрольную Украіне тэрыторыю па працэдуры абмену.
«Мы не можам каментаваць тое, што цяпер адбываецца на «Азоўсталі». З вайсковага пункту гледжання Марыупаль не можа быць разблакаваны зараз. Вайскоўцы распрацоўваюць розныя планы, розныя аперацыі, пра што нельга казаць публічна», — сказала Маляр.
«Українські герої потрібні Україні живими», — заявіў, у сваю чаргу, у традыцыйным вечаровым тэлезвароце прэзідэнт Украіны Уладзімір Зяленскі.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары