Лідары Вялікай сямёркі: Мы прыкладзем усе намаганні, каб прыцягнуць Лукашэнку да адказнасці за саўдзел у вайне
Па выніках анлайн-сустрэчы краін G7 на сайце Белага Дома апублікавалі афіцыйную заяву.
«Ні пры якіх абставінах цывільныя асобы і тыя, хто не прымае актыўнага ўдзелу ў баявых дзеяннях, не могуць быць законнымі мэтамі.
Мы прыкладзем усе намаганні, каб прыцягнуць прэзідэнта Пуціна, а таксама арганізатараў і памагатых гэтай агрэсіі, уключаючы рэжым Лукашэнкі ў Беларусі, да адказнасці за іх дзеянні ў адпаведнасці з міжнародным правам.
З гэтай мэтай мы будзем працягваць працаваць разам з нашымі саюзнікамі і партнёрамі па ўсім свеце», — сказана ў заяве.
Захад будзе падтрымліваць працу па расследаванні і зборы доказаў агрэсіі, у тым ліку з боку пракурора Міжнароднага крымінальнага суда, незалежнай камісіі па расследаванні, упаўнаважанай Саветам па правах чалавека ААН, і місіі экспертаў Арганізацыі па бяспецы і супрацоўніцтве ў Еўропе.
Лідары G7 заявілі таксама, што будуць працягваць аказаваць абарончую дапамогу Украіне, а таксама выдзяляць сродкі на аднаўленне краіны. Спробы Расіі замяніць мясцовую ўладу ва ўкраінскіх гарадах яны будуць разглядаць як незаконныя.
Краіны Вялікай сямёркі ўзялі за абавязак адмовіцца паэтапна ад імпарту расійскай нафты. Яны выказалі намер працягваць ціск на расійскія банкі.
Цяпер чытаюць
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак12
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары