Lidary Vialikaj siamiorki: My prykładziem usie namahańni, kab pryciahnuć Łukašenku da adkaznaści za saŭdzieł u vajnie
Pa vynikach anłajn-sustrečy krain G7 na sajcie Biełaha Doma apublikavali aficyjnuju zajavu.
«Ni pry jakich abstavinach cyvilnyja asoby i tyja, chto nie prymaje aktyŭnaha ŭdziełu ŭ bajavych dziejańniach, nie mohuć być zakonnymi metami.
My prykładziem usie namahańni, kab pryciahnuć prezidenta Pucina, a taksama arhanizataraŭ i pamahatych hetaj ahresii, uklučajučy režym Łukašenki ŭ Biełarusi, da adkaznaści za ich dziejańni ŭ adpaviednaści ź mižnarodnym pravam.
Z hetaj metaj my budziem praciahvać pracavać razam z našymi sajuźnikami i partniorami pa ŭsim śviecie», — skazana ŭ zajavie.
Zachad budzie padtrymlivać pracu pa rasśledavańni i zbory dokazaŭ ahresii, u tym liku z boku prakurora Mižnarodnaha kryminalnaha suda, niezaležnaj kamisii pa rasśledavańni, upaŭnavažanaj Savietam pa pravach čałavieka AAN, i misii ekśpiertaŭ Arhanizacyi pa biaśpiecy i supracoŭnictvie ŭ Jeŭropie.
Lidary G7 zajavili taksama, što buduć praciahvać akazavać abarončuju dapamohu Ukrainie, a taksama vydzialać srodki na adnaŭleńnie krainy. Sproby Rasii zamianić miascovuju ŭładu va ŭkrainskich haradach jany buduć razhladać jak niezakonnyja.
Krainy Vialikaj siamiorki ŭziali za abaviazak admovicca paetapna ad impartu rasijskaj nafty. Jany vykazali namier praciahvać cisk na rasijskija banki.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary